Skip to main content
குரூப் I, II 2020 (New Syllabus) Test Batch - Admission Going On !

☞30 தேர்வுகள் (ஒவ்வொரு தேர்விலும் 200 வினாக்கள் | GS-175 + APTITUDE-25 )
☞தமிழ் & ENGLISH MEDIUMS | Online & PDF

Join Now Tamil Medium English Medium

TNPSC தேர்வுகளுக்கான நடப்பு நிகழ்வுகள் 13-21 ஏப்ரல் 2020

Current Affairs for TNPSC Exams 13-21 April 2020
தமிழ்நாடு
  • நீதியரசர் பொன்.கலையரசன் குழு :  தமிழகத்தில், மருத்துவப்படிப்பில் அரசு பள்ளி மாணவர்களுக்கு உள்ஒதுக்கீடு வழங்குவதற்கான வழிமுறைகளை ஆராய ஓய்வுபெற்ற நீதிபதி பொன்.கலையரசன் தலைமையில் ஒரு குழு அமைக்கப்பட்டுள்ளது.அந்த குழுவில் சுகாதாரத்துறை, பள்ளிக்கல்வித் துறை, நீதித்துறை செயலாளர்கள், திருவள்ளுவர் பல்கலைக்கழக முன்னாள் துணைவேந்தர் ஏ.ஜோதி முருகன், கோவை மருத்துவ மையம் மற்றும் மருத்துவமனையின் தலைவர் ஜி.பழனிசாமி ஆகியோர் உறுப்பினராகவும், மருத்துவக்கல்வி இயக்குனர் உறுப்பினர் செயலாளராகவும் உள்ளனர்.
  • 100 நாள் வேலை திட்டத்தின் ஒரு நாள் ஊதியம் 229 ரூபாயில் இருந்து 256 ரூபாயாக உயர்த்தி தமிழக அரசு அறிவித்துள்ளது.
  • டாடா நிறுவனம், கொரோனா தொற்றை கண்டுபிடிப்பதற்காக, சுமார் ரூ.8 கோடி மதிப்புள்ள 40 ஆயிரத்து 32 பி.சி.ஆர். கிட் கருவிகளை தமிழக அரசுக்கு அளித்துள்ளது.
  • தமிழ்நாடு அரசுப் பணியாளா் தோ்வாணையத்தின் (டி.என்.பி.எஸ்.சி.,) தலைவராக கா.பாலச்சந்திரன் 13-4-2020 அன்று பொறுப்பேற்றாா்.
இந்தியா
  • இந்தியாவின் முதல் கோவிட்-19 இல்லா மாநிலமாக  கோவா மாநிலம் 21-4-2020 அன்று அறிவிக்கப்பட்டுள்ளது. மணிப்பூர் மாநிலம் இரண்டாவது கோவிட் -19 இல்லா மாநிலமாகியுள்ளது.
  • கோவிட்-19 நோய்க்கு தடுப்பு மருந்து கண்டு பிடிப்பதற்காக மத்திய அரசு உயர்மட்ட குழுவை  வினோத் பால் மற்றும் விஜய் ராகவன் ஆகியோர் தலைமையில் அமைத்துள்ளது.
  • ”சித்ரா ஜென்லாம்ப் - என்” (“Chitra GeneLAMP-N”) என்ற பெயரில், குறைந்த விலை கோவிட்-19 துரித பரிசோதனைக் கருவியை  கேரளாவிலுள்ள  ஸ்ரீ சித்திரா திருநாள் மருத்துவ அறிவியல் மற்றும் தொழில்நுட்ப நிறுவனம் உருவாக்கியுள்ளது.
  • உலகளவில் உற்பத்தியாகும் மொத்த ‘ஹைட்ரோகுளோரோகுயின்’ (Hydroxychloroquine (HCQ)) மருந்துகளில் 70 %  இந்தியாவில் உற்பத்தியாகிறது.
  • இந்தியாவின் முதல் விலங்குகளுக்கான கோவிட்-19 தனிமைப்படுத்துதல் மையம் உத்தரக்காண்டிலுள்ள ஜிம் கார்பட் தேசிய பூங்காவில் அமைக்கப்பட்டுள்ளது.
  • ”செரோபஸ்” (Pteropus (Indian Flying Fox)) மற்றும் “ரோசட்டஸ்” (Rousettus (old world fruit bats)) எனும் இரண்டு இந்திய வெளவ்வால் இனங்களில் ’வெளவ்வால் கொரானா வைரஸ்’ தாக்கி உள்ளதை இந்திய மருத்துவ ஆராய்ச்சி கவுண்சில்,  தேசிய வைரஸ் ஆராய்ச்சி நிறுவனம், பூனே (National Institute of Virology (NIV), Pune) ஆராய்ச்சியாளர்களின் உதவியுடன்   15-4-2020 அன்று கண்டறிந்துள்ளது.
  • 'கிசான் ரத்' (‘Kisan Rath’) செயலி : ஊரடங்கின் போது, உணவு தானியங்கள், அழுகக்கூடிய பொருள்களை விவசாயிகள் தாங்கள் விளைவித்த பொருட்களை  ஓரிடத்தில் இருந்து மற்றொரு இடத்திற்கு கொண்டு செல்ல உதவியாக 'கிசான் ரத்' எனும் அலைபேசி செயலியை மத்திய அரசு  17-4-2020 அன்று அறிமுகம் செய்துள்ளது.
    • தேசிய தகவலியல் மையம் உருவாக்கியுள்ள இந்தச் செயலி, விவசாய மற்றும் தோட்டக்கலை உற்பத்திப் பொருள்களைக் கொண்டு செல்வதற்காக முதல்நிலை மற்றும் இரண்டாம் நிலை போக்குவரத்து வாகனங்களைத் தேடும் விவசாயிகள் மற்றும் வணிகர்களுக்குப் பெரிதும் பயன்படும். விளை நிலங்களில் இருந்து மண்டிகள், விவசாய உற்பத்தி அமைப்பின் சேகரிப்பு மையங்கள், உணவுக் கிடங்குகளுக்கு பொருள்களைக் கொண்டு செல்வது உள்ளிட்டவை முதல்நிலை போக்குவரத்தாகும். மண்டிகளில் இருந்து பொருள்களை மாநிலங்களுக்கு உள்ளேயும், மாநிலங்களுக்கு இடையிலான மண்டிகள், பதப்படுத்தும் நிலையங்கள், ரயில் நிலையங்கள், சேமிப்புக் கிடங்குகள், மொத்த விற்பனையாளர்களுக்கு கொண்டு செல்வது உள்ளிட்டவை இரண்டாம் நிலை போக்குவரத்தாகும்.
  • “தேக்கோ அப்னா தேஷ்” (பாருங்கள் நம் தேசத்தை) (‘Dekho Apna Desh’) என்ற இணையதள தொடர் மூலமாக உலக பாரம்பரிய தினம் (World Heritage Day 2020) 18 ஏப்ரல் 2020 அன்று மத்திய சுற்றுலா அமைச்சகத்தால் கொண்டாடப்பட்டது.
    • கூ.தக. : ஏப்ரல் 18 அன்று கொண்டாடப்பட்ட 2020 ஆம் ஆண்டின் உலகப் பாரம்பரிய தினத்தின் மையக்கருத்து  -  பகிர்ந்தளிக்கப்பட்ட கலாச்சாரம், பகிர்ந்தளிக்கப்பட்ட பாரம்பரியம் மற்றும் பகிர்ந்தளிக்கப்பட்ட  பொறுப்புணர்வு ("Shared Culture’, ‘Shared heritage’ and ‘Shared responsibility") என்பதாகும்.
  • எரிசக்தி அமைச்சகம் வகுத்துள்ள வரைவு மின்சாரச் சட்ட (திருத்த) மசோதா 2020 (Electricity Act(Amendment) Bill 2020) க்கு ஆலோசனைகளை வரவேற்றுள்ளது.
  • 2020-2021 சாகுபடி ஆண்டில் 30 கோடி டன் உணவு தானியங்கள் உற்பத்தி செய்ய மத்திய அரசு இலக்கு நிர்ணயித்துள்ளது. சம்பா பருவத்தில் 15 கோடி டன் உணவு தானியமும், குறுவை பருவத்தில் 14 கோடியே 84 லட்சம் உணவு தானியமும் என மொத்தம் சுமார் 30 கோடி டன் உணவு தானிய உற்பத்திக்கு மத்திய அரசு இலக்கு நிர்ணயித்துள்ளது.
  • டைம்ஸ் உலகப் பல்கலைக்கழக தரவரிசை (ரேங்கிங்) நடைமுறையில் இந்த ஆண்டு பங்கேற்கப்போவதில்லை என இந்தியாவின் முன்னணி ஐஐடிகளான மும்பை ஐஐடி, தில்லி ஐஐடி, குவாஹாட்டி ஐஐடி, கான்பூா் ஐஐடி, காரக்பூா் ஐஐடி, சென்னை ஐஐடி, ரூா்கி ஐஐடி ஆகியவை பங்கேற்கப்போவதில்லை என முடிவெடுக்கப்பட்டுள்ளது.
    • டைம்ஸ் உலகப் பல்கலைக்கழக தரவரிசை நடைமுறைகளுக்கான அளவீடுகள் குறித்து தெளிவான விளக்கத்தை அளித்து, நடைமுறையில் வெளிப்படைத்தன்மையையும் உறுதி செய்தால் மட்டுமே, அடுத்த ஆண்டு (2021) டைம்ஸ் தரவரிசையில் பங்கேற்பது குறித்து ஐஐடிக்கள் மறுபரிசீலனை செய்யும் எனவும் தெரிவிக்கப்பட்டுள்ளது.
  • ஊரடங்கின்போது மக்கள் பிரச்சினை தீர்க்க மாவட்டங்களில் அவசர கால செயல்பாட்டு மையங்களை மத்திய அரசு அறிவித்துள்ளது. 1930 மற்றும் 1944 என்னும் ஹெல்ப் லைன் சேவைகள், மக்களின் குறைகளை தீர்த்து வருகின்றன.112 மொபைல் செயலி, இந்த ஊரடங்கு காலத்தில் கர்ப்பிணிகளுக்கும், முதியவர்களுக்கும் பெரிதும் பயன்பட்டு வருகிறது.

வெளிநாட்டு உறவுகள்
  • ‘கரோனா நோய்த்தொற்றுக்கு எதிரான போராட்டத்தில் இந்தியா்களுடனான ஒற்றுமையை வெளிப்படுத்தும் நோக்கில் ஸ்விட்சா்லாந்தின் மேட்டா்ஹாா்ன் மற்றும் ஆல்ப்ஸ் மலை உச்சியில் 1,000 மீட்டா் அளவுக்குப் பெரிதாக இந்திய மூவா்ணக் கொடி ஒளிரச் செய்யப்பட்டது.
  • இந்தியாவுக்கு சுமாா் ரூ.1,180 கோடி மதிப்பிலான ஹா்பூன் ரக கப்பல் எதிா்ப்பு ஏவுகணைகள், நீா்மூழ்கி கப்பல்களை தாக்கக் கூடிய மாா்க் 54 ரக வெடிகுண்டுகள் ஆகியவற்றை விற்பனை செய்வதற்கு அமெரிக்கா ஒப்புதல் வழங்கியுள்ளது.
பொருளாதாரம்
  • கோவிட்-19 தடுப்பு மற்றும் நிவாரணத் திட்டங்களுக்காக இந்தியாவிற்கு 1 பில்லியல் அமெரிக்க டாலர் கடனுதவி வழங்குவதாக பிரிக்ஸ் அமைப்பின்  புதிய வளர்ச்சி வங்கி (New Development Bank of the BRICS) அறிவித்துள்ளது.
    • கூ.தக. : ஜீலை 2014 ஆம் ஆண்டு தொடங்கப்பட்ட புதிய வளர்ச்சி வங்கியின் தலைமையிடம்  சீனாவின் ஷாங்காய் நகரில் அமைந்துள்ளது.  இதன் தற்போதைய தலைவராக  இந்தியாவைச் சேர்ந்த   V.  காமாத் உள்ளார்.
  • ரிசர்வ் வங்கி ரிவர்ஸ் ரெப்போ ரேட்டை 4% லிருந்து 75% ஆக குறைத்துள்ளது.
    • கூ.தக. : ஆர்பிஐ மற்ற வங்கிகளுக்கு கடன் கொடுத்து வட்டி வசூலிப்பது  ரெப்போ ரேட் எனவும், அதே போல் மற்ற வங்கிகள் ஆர்பிஐக்கு கடன் கொடுப்பதன் மீதான வட்டி வீதம் ரிவர்ஸ் ரிப்போ ரேட் எனவும் அழைக்கப்படுகிறது.  
    • இப்போது ரிவர்ஸ் ரெப்போ ரேட்டை ரிசர்வ் வங்கி குறைத்து இருப்பதால், வங்கிகள், ஆர்பிஐ இடம் பணத்தை போட்டு வைப்பதற்கு பதிலாக, பொதுமக்களுக்கு கடன் கொடுக்கத் தொடங்குவார்கள்.
உலகம்
  • கொரோனாவால் தங்களுக்கு ஏற்பட்ட நஷ்டத்துக்கு இழப்பீடு கோரி ஜெர்மனி நாடு, 149 பில்லியன் யூரோக்கள் ( 162 பில்லியன் டாலர் )இழப்பீடு கேட்டு  சீனாவிடம் பட்டியல் அனுப்பியுள்ளது.  
  • அமெரிக்க நாட்டின் தேசிய அறிவியல் வாரியத்தின் உறுப்பினராக இந்திய அமெரிக்கரான சுதர்சனம் பாபு என்பவரை அதிபர் டொனால்டு டிரம்ப் நியமனம் செய்துள்ளார்.
  • சர்வதேச அரபு புனைவு பரிசு 2020 ( International Arab fiction prize 2020) அல்ஜீரியா நாட்டைச் சேர்ந்த எழுத்தாளர் அப்தலோஹாப் ஐஷாஷி ( Abdelouahab Aissaoui) எழுதிய   ’தி ஸ்பார்டன் கோர்ட்’ (‘The Spartan Court’) எனும் நாவலுக்கு வழங்கப்பட்டுள்ளது.
  • இங்கிலாந்து நாட்டைச் சேர்ந்த 122 ஆண்டு பழமையான ‘நார்டன் மோட்டார்சைக்கிள்’ ( Norton motorcycles )  நிறுவனத்தை  சென்னையைத் தலைமையிடமாகக் கொண்ட  இந்தியாவின்  டி.வி.எஸ். மோட்டார் நிறுவனம் ரூ.153 கோடிக்கு கையகப்படுத்தியுள்ளது.
  • ஊரடங்கை கடைப்பிடிக்க வலியுறுத்திய பிரேசில் சுகாதாரத்துறை மந்திரியை அதிபர் போல்சனாரோ பதவி நீக்கம் செய்துள்ளார்.
  • உலக சுகாதார அமைப்பை மறு ஆய்வுக்கு உட்படுத்தி சீரமைப்பு செய்யவேண்டும் என ஜி-7 நாடுகளின் தலைவர்களின் வீடியோ கான்ஃபரன்சிங் கூடுகையில் அமெரிக்கா வலியுறுத்தி உள்ளது.
    • கூ.தக. : அமெரிக்கா, இங்கிலாந்து, கனடா, பிரான்ஸ், ஜெர்மனி, இத்தாலி மற்றும் ஜப்பான் ஆகிய நாடுகளை உள்ளடக்கிய ஜி 7 அமைப்பு 1975 ஆம் ஆண்டு தொடங்கப்பட்டது.
    • 46 வது ஜி-7 நாடுகளின் கூடுகை 10-12 ஜீன் 2020 தினங்களில் அமெரிக்காவில் நடைபெறவுள்ளது.
  • வரும் 2025ம் ஆண்டில் மீண்டும் கொரோனா தாக்க வாய்ப்பு உள்ளது என்று ஹார்வர்டு பல்கலைக்கழக விஞ்ஞானிகள் கணித்துள்ளனர்.
  • தென்கொரியாவில் கொரோனா அச்சுறுத்தலுக்கு மத்தியில் நடந்த நாடாளுமன்ற தேர்தலில் அந்நாட்டின் தற்போதைய அதிபர் மூன் ஜே இன்னின் ஜனநாயக கட்சி அதிக இடங்களை கைப்பற்றி அமோக வெற்றி பெற்றது.
  • உலக சுகாதார அமைப்புக்கு வழங்கி வந்த நிதியை அமெரிக்கா நிறுத்தியுள்ளது.
விளையாட்டு
  • சர்வதேச டேபிள் டென்னிஸ் தரவரிசை 2020 (ITTF (International Table Tennis Federation) World Ranking 2020) ல் உலகளவில் 31 வது இடத்தைப் பெற்று  அச்சாந்தா சரத் கமல் ( Achanta Sharath Kamal) இந்திய வீரர்களில் முதலிடத்தைப் பெற்றுள்ளார்.
முக்கிய நியமனங்கள்
  • உலக வனவிலங்குகள் நிதியத்தின் (World Wildlife Fund (WWF)) இந்தியாவிற்கான சுற்றுசூழல் கல்வி திட்டத்தின் ( India’s environment education programme)  நல்லெண்ண தூதராக உலக செஷ் சாம்பியன் விஸ்வநாதன் ஆனந்த் நியமிக்கப்பட்டுள்ளார்.
  • குடியரசுத் தலைவர் ராம் நாத் கோவிந்தின் புதிய செயலராக கபில்தேவ் திரிபாதி நியமிக்கப்பட்டுள்ளார்.
  • ’சர்வதேச நாணய நிதியத்தின்’ (International Monetary Fund (IMF)) வெளி ஆலோசனைக் குழுவின் (External Advisory Group) 12 உறுப்பினர்களில் ஒருவராக இந்தியாவைச் சேர்ந்த ரகுராம் ராஜன் நியமிக்கப்பட்டுள்ளார்.
  • மும்பை உயா்நீதிமன்றத் தலைமை நீதிபதியாக தீபாங்கா் தத்தாவையும், மேகாலய உயா்நீதிமன்றத் தலைமை நீதிபதியாக விஸ்வநாத் சோமாதரையும், ஒடிஸா உயா்நீதிமன்ற நீதிபதியாக முகமது ரஃபீக்கையும் நியமிக்க உச்சநீதிமன்றத் தலைமை நீதிபதி எஸ்.ஏ.போப்டே தலைமையிலான கொலீஜியம் பரிந்துரை செய்துள்ளது.
முக்கிய தினங்கள்
  • ஐக்கிய நாடுகளவையின் சீன மொழி தினம் - ஏப்ரல் 20
    • கூ.தக. : ஐ.நா.வில் அராபிக், ஆங்கிலம், சீன மொழி, ரஷியன், ஸ்பானிஸ் மற்றும் பிரஞ்ச் ஆகிய ஆறு மொழிகள் அலுவலக மொழிகளாக உள்ளன. 
  • உலக கல்லீரல் தினம் (World Liver Day ) - ஏப்ரல் 19
  • உலக ஹீமோபிலியா தினம் 2020 (World Haemophilia Day) -  ஏப்ரல் 17
  • உலக குரல் தினம் (World Voice Day) - ஏப்ரல் 16
  • உலக கலை தினம் 2020 (World Art Day 2020) - ஏப்ரல் 15
  • முதலாவது, சர்வதேச கணித தினம் (International Mathematics Day) - மார்ச் 14
  • மனிதன் விண்வெளிக்கு சென்றதற்கான சர்வதேச நினைவு தினம் (International Day of Human Space Flight)  - ஏப்ரல் 12  (1961 ஏப்ரல் 12 அன்று  ரஷியாவின்    யூரி காகரின்  ‘வோஷ்டாக் 1’ (Vostok 1) விண்கலத்தின் மூலம் முதல் முறையாக பூமியின் சுற்றுப்பாதையை நிறைவு செய்தார்)
  • தேசிய செல்ல பிராணிகள் தினம் (National Pet Day ) - ஏப்ரல் 11
  • தேசிய தாய்மை பாதுகாப்பு தினம் (National Safe Motherhood Day) - ஏப்ரல் 11
புத்தகங்கள்
  • “How the Onion Got Its Layers” என்ற புத்தகத்தின் ஆசிரியர்  - சுதா மூர்த்தி
  • ‘Shuttling to the Top: The Story of P V Sindhu’ என்ற புத்தகத்தின் ஆசிரியர் - V.கிருஷ்ணஸ்வாமி 
Comment Policy:Dear visitors , this is your area. Ask your queries, post your suggestions. If you know correct answers for other friend's questions, kindly reply them. Motivate One another . Your comments will be posted soon with a small moderation. Please avoid sharing phone numbers, email Ids and posting abusive comments against the government and recruitment agencies.
View Comments
Close Comments