நகர்ப்புற மருத்துவ நிலையங்கள் திட்டத்தை தமிழக அரசு அறிவித்துள்ளது. இதன்படி,  கிராமங்களில் ஆரம்ப சுகாதார நிலையங்கள், துணை சுகாதார நிலையங்கள் இருப்பதைப்போல நகர்ப்புறங்களில் இந்த மருத்துவ நிலையங்கள் அமைய இருக்கின்றன. முதற்கட்டமாக சென்னைப் பெருநகர மாநகராட்சி உள்ளிட்ட 21 மாநகராட்சிகள் மற்றும் 63 நகராட்சிப் பகுதிகளில் 708 நகர்ப்புற மருத்துவ நிலையங்கள் புதியதாக ஏற்படுத்தப்படும்.இந்த மருத்துவ நிலையங்களுக்கு ரூ.180.45 கோடி செலவில் சொந்தக் கட்டடம் கட்டப்படும். இந்த 708 காலை 8 மணி முதல் 11 மணி வரையும் மாலை 4 மணி முதல் 8 மணி வரையும் புறநோயாளிகள் சேவைகள் செயல்படுத்தப்படும். இந்த நிலையங்களில் ஒரு மருத்துவர், ஒரு செவிலியர், ஒரு உதவியாளர் ஆகிய பணியாளர்கள் நியமிக்கப்படுவர். இந்தத் திட்டத்தின் மூலம் தமிழ்நாட்டிலுள்ள அனைத்து நகர்ப்புற மருத்துவ நிலையங்களிலும் ஏழைகள் இலவச மருத்துவ சேவை பெருவதை உறுதி செய்து 2030-க்குள் அனைவருக்கும் நல்வாழ்வு எனும் இலக்கினை தமிழ்நாடு எட்டும்.