சிறார்களுக்கான பாதுகாப்பை மையப்படுத்தி ‘ப்ராஜெக்ட் பள்ளிக்கூடம்’ திட்டம் கோவை காவல்துறையினால் ஜீன் 2022 -இல் தொடங்கப்பட்டுள்ளது . இத்திட்டத்தின் கீழ், 1 முதல் 12-ம் வகுப்பு வரையுள்ள மாணவர்களுக்கு பாலியல் துன்புறுத்தல் / குற்றங்கள் குறித்த விழிப்புணர்வு ஏற்படுத்தப்படுகிறது.10 வயதுக்கு குறைவான குழந்தைகளுக்கு தவறான தொடுதல், பாலியல் துன்புறுத்தல் என்றால் என்ன, அது தொடர்பாக யாரிடம் தெரிவிக்க வேண்டும் என்பது குறித்து விளக்கப்படுகிறது. 10 வயதுக்கு மேற்பட்ட மாணவர்களுக்கு பாலியல் குற்றங்கள், அதற்குரிய தண்டனைகள், பாலியல் குற்றத்தில் கைதாகி சிறைக்கு சென்று வந்தால் எதிர்கால வாழ்வில் ஏற்படும் பாதிப்புகள், சமூகவலைதளங்களை கையாளுவது உள்ளிட்டவை குறித்து விளக்கப்படுகிறது.
💬 Doubts & Discussion