கப்பலோட்டிய தமிழன் வ.உ. சிதம்பரனார் அவர்களின் 150 பிறந்த ஆண்டினை முன்னிட்டு தயாரிக்கப்பட்ட "வ.உ.சி. 150 பிறந்த ஆண்டு சிறப்பு மலர்” யை முதலமைச்சர் திரு.மு.க.ஸ்டாலின் அவர்கள் 18.11.2022 அன்று வெளியிட்டார்.
கூ.தக. : வ. உ. சி என்றழைக்கப்படும் வள்ளியப்பன் உலகநாதன் சிதம்பரம் பிள்ளை (V. O. Chidambaram Pillai) செப்டம்பர் 5 1872 பிறந்தார்.
1906 அக்டோபர் 16-ம் நாள் பிரிட்டிஷ் இந்திய ஸ்டீம் நேவிகேஷன் கம்பெனிக்கு போட்டியாக, `சுதேசி ஸ்டீம் நேவிகேஷன் (Swadeshi Steam Navigation Company(SSNC))' எனும் முதல் இந்திய கப்பல் கம்பெனியை உருவாக்கினார். மதுரை தமிழ் சங்க தலைவர் வள்ளல் பாண்டித்துரைதேவர் அதன் தலைவராக இருந்தார். சேலம் சி.விஜயராகவாச்சாரியார் சட்ட ஆலோசகராக இருந்தார்.``எஸ்.எஸ். காளியோ (SS Galia)" மற்றும் ``எஸ். எஸ். லாவோ(SS Lavo)" எனும் பிரெஞ்சுக் கப்பல்களை வாங்கினார்.
விடுதலை போராட்ட வீரராக மட்டுமின்றி சிறந்த தமிழ் நூலாசிரியராகவும் இவர் இருந்தார். மெய்யறம், மெய்யறிவு, பாடல் திரட்டு, என் சுயசரிதை, இன்னிலை உரை, சிவஞானபோதம் உரை, திருக்குறள் உரை ஆகிய நூல்களை இவர் எழுதியுள்ளார். பல ஆங்கில நூல்களையும் தமிழில் மொழிப்பெயர்த்திருக்கிறார். விவேகபானு, இந்து நேசன், தி நேஷனல் போன்ற பத்திரிகைகளிலும் ஆசிரியராக பணியாற்றினார்.
1936 நவம்பர் 18 ஆம் தேதி உயிரிழந்தார்.
💬 Doubts & Discussion