தமிழக அரசின் இலவசப் பேருந்து பயணம் மூலம் பெண்கள் மாதம் ரூ.888 சேமிப்பதாக தமிழக திட்டக் குழுவின் ஆய்வில் தெரியவந்துள்ளது.இந்த ஆய்வானது தமிழகத்தில் 3 மாவட்டங்களில் நடத்தப்பட்டுள்ளது. விவசாயிகள் அதிகம் உள்ள நாகப்பட்டினம், தொழிற்சாலைகள் அதிகம் உள்ள திருப்பூர், தொழில்கள் மற்றும் சுற்றுலா அதிகம் உள்ள மதுரை ஆகிய மாவட்டங்களில் இந்த ஆய்வு நடத்தப்பட்டுள்ளது.
கூ.தக. :தமிழக முதல்வராக மு.க.ஸ்டாலின் கடந்த ஆண்டு மே மாதம் 7-ம் தேதி பதவியேற்ற உடன் 5 கோப்புகளில் கையெழுத்திட்டார். இதில், 'நகரப் பேருந்துகளில் பெண்கள் இலவசமாக பயணம் செய்யலாம்' என்ற திட்டமும் இடம்பெற்று இருந்தது. இந்தத் திட்டம், மே 8-ம் தேதி முதலே நடைமுறைக்கு வந்தது. இதில் நகர்ப்புறங்களில் வெள்ளை போர்டு கொண்ட பேருந்துகளிலுரும், கிராமப்புறங்களில் நகரப் பேருந்துகளிலும் செயல்படுத்தப்பட்டது.
இந்நிலையில், தமிழகத்தில் நகரப் பேருந்துகளில் பெண்களுக்கான கட்டணமில்லா பயணம் திட்டத்தின் கீழ் கடந்த அக்டோபர் 5ம் தேதி வரை 176.84 கோடி பயணங்கள் மேற்கொள்ளப்பட்டுள்ளதாக போக்குவரத்து துறை சார்பில் தெரிவிக்கப்பட்டது.
நாள் ஒன்று சராசரியாக 39.21 லட்சம் பயணங்கள் மேற்கொள்ளப்பட்டுள்ளதாகவும் போக்குவரத்துறை சார்பில் தெரிவிக்கப்பட்டது.
நன்றி : இந்து தமிழ் திசை
💬 Doubts & Discussion