உத்தர பிரதேச மாநிலம், வாராணசியில் கட்டப்பட்டுள்ள "ருத்ராக்ஷா' எனப் பெயர் சூட்டப்பட்ட சர்வதேச மாநாட்டு மையத்தை பிரதமர் நரேந்திர மோடி வியாழக்கிழமை திறந்து வைக்கிறார். ஜப்பான் உதவியுடன் கட்டப்பட்ட இந்த மையத்தில் 108- க்கும் மேல் ருத்ராக்ஷங்கள் நிறுவப்பட்டுள்ளன. இதன் கூரை சிவலிங்க வடிவில் கட்டப்பட்டுள்ளது. இக்கட்டடத்தின் அனைத்து இடங்களும் இரவில் ஒளிரும் வகையில் எல்இடி பல்புகள் பொருத்தப்பட்டுள்ளன. அரங்கில் 1,200 பேர் அமர்ந்து நிகழ்ச்சியைக் காணும் வசதியுடன் இக்கட்டடம் கட்டப்பட்டுள்ளது.