'நீராருங் கடலுடுத்த' எனத் தொடங்கும் மனோன்மணீயம் சுந்தரனார் இயற்றிய தமிழ்த்தாய் வாழ்த்து, தமிழ்நாடு அரசின் மாநிலப்பாடலாக அறிவிக்கப்படுவதாக தமிழக அரசு அறிவித்துள்ளது. இந்த  பாடலானது 55 வினாடிகளில் முல்லைப்பாணிப் பண்ணில் (மோகன ராகம் ) மூன்றன் நடையில் (திசுரம்) பாடப்பட வேண்டும்.  கல்வி நிறுவனங்கள், பல்கலைக்கழகங்கள், அரசு அலுவலகங்கள், பொதுத்துறை நிறுவனங்கள் உள்ளிட்ட அனைத்துப் பொது அமைப்புகளின் நிகழ்ச்சிகளிலும் நிகழ்வு தொடங்கும் முன்பு தமிழ்த்தாய் வாழ்த்து கட்டாயம் பாடப்பட வேண்டும்.  பாடப்படும் போது அனைவரும் தவறாமல் எழுந்து நிற்க வேண்டும். ( மாற்றுத்திறனாளிகளுக்கு விலக்கு அளிக்கப்படுகிறது).  இசை வட்டுக்கள் மூலம் இசைப்பதைத் தவிர்த்து பயிற்சி பெற்றவர்கள் வாய்ப்பாடலாகப் பாட வேண்டும். தனியார் அமைப்புகள் நடத்திடும் கலை, இலக்கிய மற்றும் பொது நிகழ்வுகளிலும் தமிழ்த்தாய் வாழ்த்து பாடப்படுவது ஊக்குவிக்கப்படும்   எனவும் அரசாணையில் குறிப்பிடப்பட்டுள்ளது. 

கூ.தக. : 1891 வெளியிட்ட புகழ்பெற்ற நாடக நூலான மனோன்மணீயம் நூலில் உள்ள பாயிரத்தில் தமிழ்த் தெய்வ வணக்கம் எனும் தலைப்பிலுள்ள ஒரு பகுதி 'நீராருங் கடலுடுத்த' எனத் தொடங்கும் இப்பாடலாகும்.

இப்பாடலை 1970 ஆம் ஆண்டு கலைஞர் மு. கருணாநிதியின் தலைமையின் கீழ் செயற்பட்ட தமிழக அரசு தமிழ்த்தாய் வாழ்த்தாக அறிவித்தது.

மிழ்நாடு அரசின் அதிகாரப்பூர்வமான, ‘நீராருங் கடலுடுத்த’ என தொடங்கும் தமிழ்த்தாய் வாழ்த்து பாடலுக்கு, மோகன ராகத்தில் இசையமைத்தவர்  மறைந்த  இசையமைப்பாளர் எம்.எஸ்.விஸ்வநாதன் ஆவர். 

தமிழ்த்தாய் வாழ்த்துப்பாடல் வரிகள்

"நீராருங் கடலுடுத்த நிலமடந்தைக் கெழிலொழுகும்

சீராரும் வதனமெனத் திகழ்பரதக் கண்டமிதில்

தெக்கணமும் அதிற்சிறந்த திராவிடர்நல் திருநாடும்

தக்கசிறு பிறைநுதலும் தரித்தநறுந் திலகமுமே

அத்திலக வாசனைபோல் அனைத்துலகும் இன்பமுற

எத்திசையும் புகழ்மணக்க இருந்தபெருந் தமிழணங்கே!

தமிழணங்கே!

உன் சீரிளமைத் திறம்வியந்து

செயல்மறந்து வாழ்த்துதுமே!

வாழ்த்துதுமே!!

வாழ்த்துதுமே!!!"