கென்-பெட்வா நதிகள் இணைப்புத் திட்டத்திற்கு (Ken-Betwa River Link Project) நிதி அளித்தல் மற்றும் அமலாக்கத்திற்குப் பிரதமர் திரு நரேந்திர மோடி தலைமையிலான மத்திய அமைச்சரவை ஒப்புதல் 8-12-2021 அன்று ஒப்புதல் அளித்தது. 2020-21 விலை நிலவரப்படி, கென்-பெட்வா இணைப்புத் திட்டத்தின் மொத்த செலவு ரூ.44,605 கோடி என மதிப்பிடப்பட்டுள்ளது. இந்தத் திட்டத்திற்கு மத்திய அரசு ரூ.39,317 கோடி நிதியுதவி செய்யவும், இதில் ரூ.36,290 கோடி மானியமாகவும், ரூ.3,027 கோடி கடனாகவும் வழங்க மத்திய அமைச்சரவை ஒப்புதல் அளித்துள்ளது. நவீன தொழில்நுட்பத்துடன் இந்தத் திட்டத்தை 8 ஆண்டுகளில் பூர்த்தி செய்ய உத்தேசிக்கப்பட்டுள்ளது. இது செயல்பாட்டுக்கு வரும்போது ஆண்டுக்கு 10.62 லட்சம் ஹெக்டேர் பாசன வசதிப் பெறும். 62 லட்சம் பேருக்கு குடிநீர் விநியோகம் செய்யப்படும். 103 மெகாவாட் புனல் உற்பத்தியும், 27 மெகாவாட் சூரிய மின்சக்தியும் உற்பத்தி செய்யப்படும்.
கூ.தக. :
கென் ஆறு (Ken River ) யமுனை நதியின் கிளை ஆறு ஆகும். இது, இது மத்தியப் பிரதேசம் மற்றும் உத்தரப்பிரதேசம் ஆகிய இரண்டு மாநிலங்கள் வழியாகப் பாய்கிறது.
பேட்வா ஆறு (Betwa River) யமுனை நதியின் கிளை ஆறு ஆகும். இதன் மறு பெயர் வெட்ராவதி ஆறு ஆகும். இது மத்தியப் பிரதேசத்தில் உள்ளது. இந்த ஆறானது கடைசியில் கென் ஆற்றுடன் இணைகிறது.
கருத்துகள் இல்லை:
கருத்துரையிடுக
Respected visitors , this is your area. Ask your queries, post your suggestions. If you know correct answers for other friend's questions, kindly reply them. Motivate One another . Your comments will be posted soon with a small moderation.
Note:Please avoid sharing phone numbers, email Ids and posting abusive comments against the government and recruitment agencies.