• தஞ்சாவூரில் செயற்கையாக உருவாக்கப்பட்ட புது ஆறு என்றழைக்கப்படும் கல்லணை கால்வாய் 1,232 கி.மீ தூரம் தடையின்றி செல்கிறது. மேடான பகுதிக்குள் புகுந்து கடைமடை வரை பாய்கிறது. 
• கழிவு நீரும். காட்டாற்று வெள்ளமும் கலந்து விடாதபடி தொழில்நுட்பத்துடன் இந்த செயற்கை ஆறு உருவாக் கப்பட்டு இருப்பது அதிசயமாக இருந்து வருகிறது. 
• தஞ்சாவூர் பெரிய கோயிலையொட்டி புது ஆறு ஓடுகிறது. இந்த புது ஆறு 30 ஆடி ஆழத்திலும், ஓரத்தநாடு திருவோணம் அருகே 30 அடி உயரத்திலும் செல்கிறது.  இது விவசாயத்துக்காக மனிதனால் வெட்டப்பட்டது. ஒரு சொட்டு நீரும் அனுமதி இல்லாமல் இதில் கலக்க முடியாது என்பதும் இதன் பெருமை. 
• தமிழகத்தில் மேட்டூர் அணை கட்டப்பட்ட போது தஞ்சாவூர் மாவட்டத்தில்   ஒரத்தநாடு, பட்டுக்கோட்டை, பேராவூரணி, மதுக்கூர், அதிராம்பட்டினம், புதுக் கோட்டை மாவட்டம் அறந்தாங்கி ஆகிய பகுதிகளுக்கு தண்ணீர் கிடைத்து சாகு படி நடக்க வேண்டும் என்பதற்காகயும் வெட்டப்பட்டது தான் புது ஆறு என்று அழைக்கப்படும் கல்லணை கால்வாய். 
• இந்த புது ஆற்றை அன்றைய பிரிட்டிஷ் அரசின் ராணுவ பொறியாளர் கர்னல் டபிள்யூ.எம். எல்லிஸ் என்பவர் வடிவமைத்துள்ளார். கல்லணை தலைப்பில் தொடங்கி புதுக்கோட்டை மாவட்டம் தொண்டியில் உள்ள மும்பாலை பரை 149 கி.மீ. நீளமுள்ள இந்த ஆற்றில், 109 கி.மீ. நீளம் பிரிட்டிஷ் ஆட்சி காலத்தில் வெட்டப்பட்டது.  
• இந்த 'ஏ' கால்வாயிலிருந்து பி, சி, டி, இ என வெட்டப்பட்ட 337 கிளை வாய்க்கால்களின் மொத்த நீளம் 1,232 கி.மீ ஆகும். 
• 28.8.1934ல் இந்த புது ஆறு (கல்லணைக்கால் வாய்) திறக்கப்பட்டது. இந்த செயற்கை ஆறுக்கு தற்போது 89 வயது ஆகிறது. 
• இந்த ஆற்றில் எங்குமே கழிவுநீரும், காட்டாற்று தண்ணீரும் கலக்க முட யாது. ஆற்றின் குறுக்கே சைபன் எனப்படும் சுரங்கங்கள். மேலே சூப்பர் பேஸேஜஸ் எனப்படும் மேல்நிலை கால்வாய்களும், பெரு வெள்ள காலங்களில் காட்டாற்று தண்ணீரை உள்வாங்கி வெளி யேற்ற அக்யுடக்ட் எனப்படும் கால் வாய் சுரங்கங்களும் தண்ணீரின் விசையை சீராக வைத்துக்கொள்ள 505 இடங்களில் டிராப் எனப்படும் நீரொழுங்கிகளும் ஏற்படுத்தப்பட் டுள்ளன.   நன்றி : தினகரன்