நாடு முழுவதும் ஒரே சீரான அணை பாதுகாப்பு நடைமுறைகளைக் கடைப்பிடிக்க வழி வகை செய்யும் அணை பாதுகாப்பு மசோதா மக்களவையில் கடந்த  2020 ஆம் ஆண்டு நிறைவேற்றப்பட்ட நிலையில் மாநிலங்களவையில் 2-12-2021 அன்று நிறைவேறியுள்ளது. இந்தியா முழுவதும் ஒரே சீரான அணை பாதுகாப்பு நடைமுறைகளைக் கடைப்பிடிக்க அணை பாதுகாப்பு மசோதா வழிவகை செய்கிறது. மசோதா நிறைவேற்றப்பட்டால் தேசிய அணைகள் பாதுகாப்பு ஆணையம் அமைக்கப்படும். அந்த ஆணையம் அணை பாதுகாப்பு கொள்கைகளை உருவாக்கி, தேவைப்படும் வரைமுறைகளைப் பரிந்துரை செய்யும். அணைகள் பாதுகாப்பு குறித்த நெறிமுறைகள், அணைகளின் தரம் ஆகியவற்றை வகுப்பதிலும் பங்கு வகிக்கும். மாநிலங்கள் மற்றும் மாநில அணை பாதுகாப்பு அமைப்புகளுக்கு தொழில்நுட்ப மற்றும் மேலாண்மை உதவிகளை வழங்கும். புதிய அணைகளின் ஆய்வு, வடிவமைப்பு, கட்டுமானப் பணிகளை ஒப்படைக்க தகுதியுள்ள நிறுவனங்களுக்கான அங்கீகாரத்தை தேசிய அணை பாதுகாப்பு ஆணையம் வழங்கும். மாநிலங்களுக்கு இடையே தீர்க்கப்படாமல் இருக்கும் பிரச்னைகளுக்கும் தீர்வு காணும். நாடு முழுதும் 5,200 பெரிய அணைகள் உள்ளன. சிறு மற்றும் நடுத்தர அணைகள் ஆயிரக்கணக்கில் உள்ளன. 

தமிழகத்திற்கு என்ன பாதிப்பு : 

முல்லைப் பெரியாறு, பரம்பிக்குளம், துணக்கடவு, பெருவாரிப்பள்ளம் ஆகிய 4 அணைகள் கேரளாவில் அமைந்துள்ளன. இருப்பினும் இந்த அணைகளை இயக்கி, பராமரிக்கும் அதிகாரம் தமிழ்நாடு அரசுக்குதான் உள்ளது. அணை பாதுகாப்பு மசோதா நடைமுறைக்கு வந்தால் இந்த 4 அணைகள் தொடர்பான தகவலை கேரளாவிடம் தமிழ்நாடு அரசு பகிர்ந்து கொள்ள வேண்டும். அணை பாதுகாப்புக்கான தேசியக் குழு என்பதும் கூட்டாட்சி தத்துவத்துக்கு எதிரானது எனக் கூறி தமிழ் நாடு அதனை எதிர்க்கிறது.

Courtesy : https://tamil.news18.com/news/tamil-nadu/chennai-district-chennai-avadi-govt-bus-driver-students-fight-hrp-629515.html